ಇಷ್ಟ ಪಟ್ಟವರನ್ನು ಯಾವತ್ತೂ ಕಳೆದುಕೊಳ್ಳಬೇಡಿ!

ಇಷ್ಟ ಪಟ್ಟವರನ್ನು ಯಾವತ್ತೂ ಕಳೆದುಕೊಳ್ಳಬೇಡಿ!
ಕೆಲವೊಂದು ವಿಚಾರಗಳೇ ಹಾಗೆ. ಬೇಡ ಅಂದರೂ ಮತ್ತೆ ಮತ್ತೆ ನೆನಪಾಗುತ್ತದೆ.  ಅದೇ ರೀತಿ ಕೆಲವೊಂದು ನೆನಪುಗಳು ಕೂಡ... ಇಷ್ಟ ಪಟ್ಟವರು ದೂರ ಆದ ನಂತರ ಕೂಡ ಮತ್ತೆ ನೆನಪಾಗ್ತಾರೆ. ಅವರು ಹತ್ತಿರ ಇಲ್ಲ ಅಂತ ಯೋಚನೆ ಮಾಡಿಕೊಳ್ಳೋಕು ಸಾಧ್ಯ ಇಲ್ಲ ಅಂತ ಅನಿಸಿ ಬಿಡುತ್ತೆ. ಫ್ರೆಂಡ್ಸ್, ಇವತ್ತು ನಿಮಗೆಲ್ಲಾ ಒಂದು ಸಣ್ಣ ಕಥೆ ಹೇಳ್ತೀನಿ. ನಿಮಗೆ ಸಮಯ ಇದ್ದರೆ ಓದಿ.. ಇಲ್ಲಾಂದ್ರೆ ನಿಮ್ಮಷ್ಟ.....

LIFE IS SHORT.....................BUT MEMORIES  ARE.....................!?

ನನಗೆ ತುಂಬಾ ಹತ್ತಿರವಾದ ಜೀವದ ಕಥೆ ಇದು. ಆ ಜೀವ ಇನ್ನೊಂದು ಜೀವವನ್ನು ಇಷ್ಟ ಪಟ್ಟ ಕಥೆ ಇದು. ಆ ಪುಟ್ಟ ಜೀವ ಹುಟ್ಟಿದ್ದು ಒಂದು ಸಣ್ಣ ಬಡ ಕುಟುಂಬದಲ್ಲಿ. ಭೂಮಿಗೆ ಇಳಿದಿದ್ದೇ ತಡ, ಆ ಜೀವಕ್ಕೆ ಹತ್ತಿರವಾಗಬೇಕಿದ್ದ ಸಂಬಂಧಗಳು ದೂರ ಆದವು. ತಾಯಿ ಒಬ್ಬರನ್ನು ಬಿಟ್ಟರೆ ಜೀವಕ್ಕೆ ಇನ್ಯಾರು ಸಿಗಲೇ ಇಲ್ಲ. ಮಾನವೀಯ ಸಂಬಂಧಗಳು ಅಂದ್ರೆ ಏನು ಅಂತಾನೆ ತಿಳಿದುಕೊಳ್ಳುವ ಅವಕಾಶನೇ ಆ ದೇವರು ನೀಡಲಿಲ್ಲ. ಹುಟ್ಟು ಅನಿವಾರ್ಯ ಅನ್ನೋ ಹಾಗೆ ಹುಟ್ಟಿಬಿಡ್ತು ಆ ಜೀವ...ಮುಂದೆ... ಎಲ್ಲರ ಹಾಗೆ ಶಾಲೆ..ಕಾಲೇಜು...ಸಣ್ಣ ಆಸೆಗಳ ಮಧ್ಯೆ ಒಂದು ಜೀವನ... ಇವುಗಳ ಮಧ್ಯೆ ಕೊರತೆ ಇದ್ದದ್ದು ಮಾತ್ರ ಕೆಲವೊಂದು ಮಾನವೀಯ ಸಂಬಂಧಗಳಿಗೆ ಮಾತ್ರ....
ಹುಟ್ಟಿದ ಮೇಲೆ ಹೊಟ್ಟೆ ಪಾಡಿಗೆ ಕೆಲಸಾನೂ ಅನಿವಾರ್ಯ. ಈ ಜೀವಕ್ಕೂ ಒಂದೆರೆಡು ಕಡೆ ಕೆಲಸ ಸಿಕ್ತು. ಆದರೆ ಏನ್ ದುರಾದೃಷ್ಟಾನೋ ಎಲ್ಲಾ ಕಡೆಗಳಲ್ಲೂ ಮಾನವೀಯ ಸಂಬಂಧಗಳಿಗೆ ಬೆಲೇನೆ ಸಿಗಲಿಲ್ಲ. ಅಂತೂ ಇಂತೂ ದೇವರಿಗೆ ಈ ಜೀವದ ನೋವು ಅರ್ಥ ಆಯ್ತು. ಒಂದ್ ಕಡೇಲಿ ಮನಸ್ಸಿಗೆ ತುಂಬಾ ಹತ್ತಿರವಾಗೋ ಮಾನವೀಯ ಸಂಬಂಧದ ಪರಿಚಯ ಮಾಡಿಸಿದ. ಈ ಜೀವಾನೂ ಅಷ್ಟೇ, ಅವರನ್ನು ತುಂಬಾನೇ ಇಷ್ಟ ಪಟ್ಟಿತು. ಭಾವನೆಗಳ ಮಧ್ಯೆ `ಅಕ್ಕ ಅನ್ನೋ ಸಣ್ಣ ಪ್ರೀತಿ ಬೆಳೀತು. ಮುಂದೆ ನನಗೂ ಒಬ್ಬರೂ `ಅಕ್ಕ ಇದಾರೆ ಅನ್ನೋವಷ್ಟರ ಮಟ್ಟಿಗೆ ಈ ಸಂಬಂಧ ಬೆಳೀತಾ ಹೋಯ್ತು. ಆದರೆ ಎಷ್ಟು ದಿನ? ಜಸ್ಟ್ ಒಂದು ವರ್ಷ ಅಷ್ಟೇ. ಆ ದೇವರಿಗೂ ಇವೆಲ್ಲವುಗಳನ್ನು ಸಹಿಸೋಕೇ ಸಾಧ್ಯ ಆಗಲಿಲ್ಲವೋ ಏನೋ? ಸಂಬಂಧಗಳನ್ನು ಕಡಿದು ಬಿಟ್ಟ. ಅವರಿಗೆ ಇಂಥ ಅದೆಷ್ಟೂ ಜೀವಗಳು ಸಿಕ್ಕಿರಬಹುದು. ಹಾಗಾಗಿ ಅವರು ಈ ಬಗ್ಗೆ ಅಷ್ಟು ಯೋಚನೆ ಮಾಡಲಿಲ್ಲ. ಆದರೆ ಈ ಜೀವಕ್ಕೆ ಸಿಕ್ಕಿದ್ದು ಅದೊಂದೇ ಮಾನವೀಯ ಸಂಬಂಧ! ಪ್ರತೀ ದಿನ ಕೊರಗು, ಕಾರಣ ಇಷ್ಟೇ. ಹುಟ್ಟಿದಾಗಿನಿಂದ ಯಾರನ್ನೋ ದೂರ ಮಾಡ್ಕೋಳ್ಳೋಕೆ ಆ ಜೀವ ಇಷ್ಟ ಪಟ್ಟಿಲ್ಲ. ಹೀಗಿರೋವಾಗ ತುಂಬಾ ಪ್ರೀತಿ ಇಟ್ಟುಕೊಂಡ ಒಂದು ಮಾನವೀಯ ಸಂಬಂಧ ದೂರ ಆದಾಗ ನೋವು ಆಗದೇ ಇರುತ್ತಾ?........
ಇದಕ್ಕೆ ಕಾರಣನೂ ಇದೆ. ಈ ಜೀವಕ್ಕೆ ಸಿಕ್ಕಿದ ಮಾನವೀಯ ಸಂಬಂಧ ಕೊಡ್ತಾ ಇದ್ದ ಪ್ರೀತಿ ಅಲ್ಲಿ ತನಕ ಯಾರಿಂದಲೂ ಸಿಕ್ಕಿರಲಿಲ್ಲ. ಇನ್ನೊಬ್ಬರಿಂದ ಪ್ರೀತಿಯ ಮಾತು, ಬತರ್್ ಡೇ ವಿಶಶ್, ಹುಟ್ಟಿದ ಹಬ್ಬಕ್ಕೊಂದು ಗಿಫ್ಟ್, ನಾಲ್ಕು ಪ್ರೀತಿಯ ಎಸ್ಎಮ್ಎಸ್ಗಳು ಅಲ್ಲೀ ತನಕ ಸಿಕ್ಕಿರಲಿಲ್ಲ. ಆ ಜೀವ ಹಣ, ಆಸ್ತಿಗಿಂತಲೂ ಹೆಚ್ಚಾಗಿ ಮಾನವೀಯ ಸಂಬಂಧಗಳನ್ನು ಗೌರವಿಸುತ್ತಿತ್ತು. ಆದರೆ ಸಿಕ್ಕಿದ ಮಾನವೀಯ ಪ್ರೀತಿ ಅದರಿಂದ ತುಂಬಾ..ತುಂಬಾ ಅಂದ್ರೆ ತುಂಬಾನೇ ದೂರ ಆಯ್ತು......
ಆದ್ರೆ ಆ ಜೀವದ ಭಾವನೆಗಳು ಮಾತ್ರ ಯಾರಿಗೂ ಅರ್ಥ ಆಗಲೇ ಇಲ್ಲ. ಕೆಲವರಿಗೆ ಸಂಬಂಧಗಳೇ ಅನುಮಾನಗಳಾದವು.... ಇನ್ನು ಕೆಲವರಿಗೆ ಆ ಜೀವದ ನೋವು ಕೇಳೋದೇ ಒಂದು ದೊಡ್ಡ ಟಾರ್ಚರ್ ಆಗಿ ಹೋದವು... ಇನ್ನೂ ಕೆಲವರಿಗೆ ಆ ಜೀವದ ಮಾತುಗಳೇ `ಹುಚ್ಚು ಅಂತ ಅನಿಸಿ ಬಿಡ್ತು. ಆದರೆ ಏನ್ ಮಾಡೋದು? ಇವೆಲ್ಲದರ ಪರಿಚಯ ಅಲ್ಲಿ ತನಕ ಈ ಜೀವಕ್ಕೂ ಆಗಿರಲಿಲ್ಲ. ನಗು ಅಂದ್ರೇನೇ ಏನೂ ಅಂತ ಗೊತ್ತಾಗಿದ್ದು, ಪ್ರೀತಿ, ಸ್ನೇಹ, ಬಾಂಧವ್ಯಗಳ ಪರಿಚಯ ಆಗಿದ್ದು ಅವತ್ತಿಂದಲೇ....
ಇವೆಲ್ಲಾ ನಿಜಕ್ಕೂ ಸಮಸ್ಯೆಗಳೇ ಅಲ್ಲ....ಆದ್ರೂ ಆ ಜೀವಕ್ಕೆ ಇದೇ ದೊಡ್ಡ ಸಮಸ್ಯೆ....ಕೆಲವರಿಗೆ ಕೈಯಲ್ಲಿ ಹಣ ಇಲ್ದೆ ಇದ್ರೆ ಸಮಸ್ಯೆ..ಇನ್ನು ಕೆಲವರಿಗೆ ಮನೆಯಲ್ಲಿ ಫ್ರಾಬ್ಲಂ ಅನ್ನೋ ಸಮಸ್ಯೆ...ಆದ್ರೆ ಈ ಜೀವಕ್ಕೆ ಮಾತ್ರ ಇದೆಲ್ಲಾ ಸಮಸ್ಯೆಗಳೇ ಅಲ್ಲ. ಇಂತಹ ನೂರು ಸಮಸ್ಯೆ ಬಂದ್ರೂ ನಿಭಾಯಿಸೋ ತಾಕತ್ತು ಈ ಜೀವಕ್ಕಿದೆ......
ಇರೋದು ಒಂದೇ ಒಂದು ಸಮಸ್ಯೆ.....
       `ಮಾನವೀಯ ಸಂಬಂಧ.......!
ಫ್ರೆಂಡ್ಸ್, ಈ ಸಣ್ಣ ಕಥೆ ಕೆಲವರಿಗೆ ಅರ್ಥ ಆಗಿರಬಹುದು, ಇನ್ನು ಕೆಲವರಿಗೆ ಅರ್ಥ ಆಗ್ದೇನೂ ಇರಬಹುದು. ಆದರೆ ಇದು ಸತ್ಯ. ನಾನು ಹತ್ತಿರದಿಂದ ಕಂಡ ಜೀವವೊಂದರ ನೈಜ ಯಾತನೆ........ಸಮಸ್ಯೆ ಚಿಕ್ಕದೇ, ಆದರೆ ಒಬ್ಬೊಬ್ಬರ ಮನಸ್ಥಿತಿಗೆ ಇದೂ ದೊಡ್ಡದೇ ಅಲ್ವೇ? ನೆನಪಿರಲಿ....
ಒಬ್ಬರ ಪ್ರೀತಿ, ವಿಶ್ವಾಸ, ಸ್ನೇಹ, ಮಾನವೀಯ ಸಂಬಂಧ ಗಳಿಸಿಕೊಳ್ಳೋದು ಕಷ್ಟ......ಅದಕ್ಕಿಂತಲೂ ತುಂಬಾ ಕಷ್ಟ ಇದನ್ನು ಉಳಿಸಿಕೊಳ್ಳೋದು.....
ಅಕಸ್ಮಾತ್ ಅರ್ಥ ಆದ್ರೆ, ಯಾವತ್ತೂ ಯಾರನ್ನೂ ಹೆಚ್ಚು ಇಷ್ಟ ಪಡಬೇಡಿ....ಇಷ್ಟ ಪಟ್ಟರೂ ನಿಮ್ಮದೇ ತಪ್ಪುಗಳಿಂದ ಅವರನ್ನು ಕಳೆದುಕೊಳ್ಳಬೇಡಿ.....
ಯಾಕೆಂದರೆ ಮತ್ತೆ ಇದೇ ವಿಚಾರದಲ್ಲಿ ತುಂಬಾನೇ ಫೀಲ್ ಆಗೋರು ನೀವೇ......